TUAI LEH PATIL ( Homosexuality)

" Hmeichhia angin mipa i pawl tur ani lo va, thil tenawm a ni; intih bawlhhlawhna turin ran reng reng i pawl tur a ni lo." ( Lev.18:22-23)

Homosexual : J.F. Laldailova Dictionary- in a hrilhfiah dan chuan 'mahni mipatpui leh hmeichhiatpui ngaizawng mi, mawngkawhur,' tihna a ni. mizote chuan tuai/patil kan ti mai a.

Homosexual hi tun lai til thar a ni lo. Bible-a a lanna hmasa ber chu Genesis 19:5-8 ah a ni a. Lota'n mikhual a neih chungchangah khan kan hmu a ni.

Kum 2003 November thka-a Massachusetts Supreme Court-in 'mahni anpui inneih phalna dan'a pawm atang khan he thil hian sawi a hlawh zual ta hle mai. a la darh zau zel dawn ni pawhin a lang. Anglican Kohhran pakhat pawhin an Pastor atana mawngkawhur an lo nemngheh thu pawh hman deuh khan chanchin thar hrang hrangah tarlan anih kha. India ram pawhin hemi chungchangah hian chanchin thar kan nei reng mai a nih hi. Indian Penal Code 377 ah chuan mipa leh mipa emaw, hmeichhia leh hmeichhiate chu sex an hmang dun anih chuan hfrem tur an nih a cghuang a. Delhi High Court chuan July thla tir khan he IPC Section hi India Constitution kalah ngaiin dan pawna mawngkawhurte hnawlna thiat zawngin thu a ti tlu ta anih kha. Amaherawhchu, sakhaw hrang hrangin nasa takin an dodal nghal a, Supreme Court hian engtin nge a kalpui zel ang tih ngaichangin beng kan chhi tup a nih phawt mai hi maw...?

Pathianin tuai/patil a siam thu Bible-ah a chuang lova. Genesis 1:27-28 ah chuan Pathianin mipa leh hmeichhia a siam thu leh chi tam tak thlaha lo pung a leilung luahkhat tura a siam thu kan hmu zawk a ni. Homosexuality hi Pathianin mi thenkhat tana a siam ni ta se ' tenawm' tia a sawi a rinawm loh; sual ze pakhat lo lang chhuak a ni. Eden huana mihringin a bawhchhiat atang khan taksa, rilru ngaihtuahna leh thlarau bakah mipat hmeichhiatna chu Pathian siam dan atanga tihchhiat leh sual kai niin hruai kawiin an lo awm ta a ni. homosexuality hi mipa leh hmeichhe in kara inzawmna tur, Pathianin a duan sa tihkhawlohna a ni ( A tir ata an siamtu khan hmeichhia leh mipaa a siam leh, " He mi avang hian mipa in a nu leh a pa a kalsan ang a, a nupui a vuan ang; tichuan an pahnih chuan tisa pumkhat an lo ni tawh ang, -Matt 19:4&5).

Eng Vanga lo awm chiah nge ?

A lo awm chhan chiah hi hriatfiah a har hle. Thenkhat chu mi pangngai niin bul an tan a. Mahse, mahni nawmsak duh luatna avanga Pathian helsanin hetiang tuai/patil nunah hian an tlu lut ta a ni. thenkhat erawh chuan an naupan deuh lai atang tawhin 'danglam' nia inhriatna an nei tawh a. Engemaw hun atang chuan chu danglam bik nia an inhriatna chuan tuai/patil nia inngaihna a pe ta a ni awm e. Thenkhat ve thung chu an thlahtute atanga inrochun emaw, a nih loh leh an naupan tet laia taksa, rilru leh hurna lam thila tihduhdah leh nghaisak emaw, naupan tet lai mak taka mipat hmeichhiatna lama tawn hriat engemaw tal nei an ni fo bawk; chutiang thil danglam deuh tawng miah lo chu hmuh tur an vang hle.

A enga pawh chu ni ta se sual chu sual ani tho tho. Kan vai hian sualna engemaw tak, tluk awlsam bik riauna chu kan nei theuh. Thlahtute atangin emaw, kan sei lenna boruak atangte pawhin ani mai thei. Mahse thlemna chu do zo lova suala kan tluk chuan a mawh chu mahni mimal theuhin kan phur tho si a ni.

Engtin Nge Kan Tih Ang ?.

Hetiang kawnga kawng dik lo zawh chhungkhat kan nei emaw, chutiang mi chu kan lo ni emaw a nih pawhin Pathianah damna a awm tih hriat a tha. Mite nuihzat leh Pathian thu kalha nun hi sim a ngai a ni. An chhungte pawhin naupan tet atanga chutiang anga awm dawn a an lan chuan uluk bik taka enkawl an ngai tih hriat tur a ni a. Mipa a nih chuan mipa nih dan, tih dan leh nunphung hrilh a, enkawl a fuih tur a ni. Tawngkam tha lo- " I nu si" emaw " i tuai si" emaw tih miah loh tur. Hmeichhia pawh chu a lo pa viau a nih pawhin hmeichhe dik tak anga enkawl a ngai tihna a ni mai. Chung zawng zawng bakah Pathian hnena nasa taka tawngtaina nen, dawhthei taka enkawl tur an ni.

Heng mite hi a nihna takah chuan Setana thangkam, dawtah an awk a ni : Dawt an hriat fo thin chu :-
'(1) Homosexuality hi nihphung pangngai ani a, hrisel lohna a awm lo' tih hi. He thu hi Pathianin mipa leh hmeichhia a siam thu nen a khaikhin chuan a pangngai lo tawp tih chu a hriat mai. Hriselna atana pawi lo anga an sawi pawh hi dawt ani. Hetianga inhmangte hian mi pangngai aiin mipat hmeichhiatna atanga kaichhawn theih natna chi hrang hrang : AIDS telin an kai awlsam zawk. The International Journal of Epidemiology- in a tarlan dan chuan hetianga inhmang thinte hi an dam tur pangngai aia kum 8-10 velin an dam rei lo zawk. Tuna hetianga inhmang mek kum 20 bawr vel ho hian an sim loh chuan an kum 65-na an thlen a rinawm loh thu a sawi bawk.

Zaithiam lar tak Queen-a an zaitupa Freddy Mercury kha mawngkawhur a ni a. AIDS avangin 24th Nov, 1991-ah khan kum 45 mi chauh niin Kensington, London- ah a boral a nih kha. Elton John pawh hi mawngkawhur bawk a nih kan hre awm e. A kawppui ( a pasal..?) David Furnish nen khan Dec,25 ah an innei a nih kha ( Chu mi avangin Pathianin zahthlak taka hur phalin a hawisan a; an hmeichhiate meuh pawhin an awmdan pianpui chu dan lo anga awm turin an intidanglam si a, mipa pawhin hmeichhe hman dan pangngai bansan a hurin an in it a, mipa leh mipa tha lo takin an inti a, an sual man hmuh tur chu anmahniah an hmu a- Rom.26,27).

(2). " Khatiang kha i nihphung/ pian dan a nih avangin i inthlak danglam thei tawh lo " tih dawt thu hi an dawng fo thin. Pathian tanpuina in an inthlak danglam thei a, chutiang nun atanga kir leh a nun kawng pangngai zawh an awm fo a ni. Amaherawhchu, nasa tak a tanpui erawh an ngai thung.

(3) Naupang thenkhat chu an thian ten " I tuai" emaw " Patil a nih saw" tia nuihzatin fiamthu thawh nan an hmang fo thin. Chutiang chu ni tak taka inngaihna an thlenpui thei a; chumi kawngah chuan an kal phah thei bawk.

(4) Hmeichhe tleirawl rual awmkhawmna leh an rualpui mipa emaw lak atang khung bo/ dah bo emaw, Hostel-a an awmin emaw hmeichhe thenkhatin an thiante mipa anga cheibawl lui a, ngaizawng lui tlat an awm hian kha hmeichhia kha rei lote ah mipa rilru ang pu in a awm thuai fo bawk thin. Hmeichhe thenkhat mipa ngaizawng duh miah lo, an hmeichhiatpui ngaizawng lui tlat thin te hian an hmeichhiatpuite mipa anga awm turin an hruai bo thin.

Hetiang nunphung tha lova lut tawh tam tak ten an inchhirzia an sawi fo va, bul tan that leh an chakzia an sawi thin. He sal tanna atanga chhuah duh tak tak te chuan ," Mi tichaktuah chuan engkim ka ti thei, ( Phil 4:13) tia Pathian rinchhana theihtawp chhuah a beih tur a ni. Tun laiin Homosexuality hi khaw thlang ram thenkhat chuan an pawm tan mek a. Chung mite chu mipa leh mipa emaw, hmeichhia leh hmeichhia ve ve pawh nise sawrkar dan ang thlapin an inneih theihna dan an siam thluah ta mai. Mahse hei hian Pathian Dan a kalh tlat thung a. Inneihna hi mihring siam chawp leh hmuhchhuah a ni lova, Pathian siam a ni. " Nunna chi neiin, pumkhatah a sian lovem ni?. Engah nge pumkhata a siam ? Chi thlah, Pathian ngaihsak a zawng a ni" ( Zak. 2:1). Homosexual inneite hian chi an thlah thei lo.