KASHAMA TE UNAU ( Music Video).

Kashama te unau hi Pune a cheng an ni a. An pa hi ringtu tha tak niin Ministry neiin rawngbawlna pawh an thawk nasa hle a. Kashama te unau hi Mizoramah lo kal in hnathawh pahin rawngbawlna a tul angin an thawk thin a ni. Ka nau C.Vanlalruata, Evan. Teacher te inah an thlen laiin an lo leng a. Zaithiam tak an nih avangin Pathian fakna hla sa turin ka sawm a. Ka rin loh takin musical instrument mumal pawh awm loin, Guiter leh khuang bengin tihtakmeuhin Pathian hla an sa ta mai a. An hla sak zingah chuan Vanlalsailova Hla " An vui liam e" tih chu an rawn sa ta mai a.Mizo tawng an thiam lo a, an mobile ami chu an lo ngaithla thin a, an thiam a ni awm e.

He music video ka dahna chhan chu hei hi a ni , " Hnam dang Kristiante nun leh rinna ah hian Mizote hian entawn tur kan nei nualin ka hria a. Tihtakmeuhin Pathian an chawimawi nghal mai a, timna leh hrehna an nei lo a, rawngbawlna atan hmanrua duhthusam awm lo mahsela a awm ang ang ah an lungawi thei" tih hi a ni. Vanlalsailova Hla an sa thiam mai te hi a ropui ka tih avangin ka rawn pho chhuak a ni e.