2009 chhungin mahni intihlum 64 tling tawh.(source:Zalen, November 15,2009).
Synod Family Guidance & Counseling Centre(FG&CC) chuan Mizoram-a mahni intihlum te dinhmun an zir chiannaah kum 2009 chhungin mahni intihlum 64 an awm tawh a, heng zinga mi 24 te chu ruihtheih thil vanga intihlum an ni.
FG&CC chhinchhiah danin heng mahni intihlum te hi chhungkaw pangngai taka khawsa mi 25, chhungkaw kehchhia 16,Kohhram mi ni lem lo 17 leh a dang 3 an awm a. Heng mi 61 zinga 23 te chu nupui pasal nei tawh an ni. Hnathawh nei lo 42, zirlai 8 leh hnathawh nei 11 an ni.
FG&CC chhinchhiah danin heng mahni intihlum te hi chhungkaw pangngai taka khawsa mi 25, chhungkaw kehchhia 16,Kohhram mi ni lem lo 17 leh a dang 3 an awm a. Heng mi 61 zinga 23 te chu nupui pasal nei tawh an ni. Hnathawh nei lo 42, zirlai 8 leh hnathawh nei 11 an ni.
" Mahni intihlum zingah hian Kohhran-a inhmang tak chhungkua leh anmahni pawh inhmang tak 4 an awm a, chhungkaw kehchhia hi nupui pasal inthenna nghawng a ni ber," tiin Rev.Zothansanga, FG&CC Director chuan a sawi. Heng mi 60 chuang lai intihhlum chhan an zirnaah hian ruihtheih thil kaihhnawih a sang fal hle a, mi 24 zet awmin a dangte chu nupa kar thu vanga ngaih 9, inngaihzawnnna thil vangin 7,damlohna vang 3, nu leh pa te nena inkar thu chhiat avanga intihlum 3, nun beidawng 1 leh chhan hriat loh 11 an awm bawk. Chhan hrang hrang vanga mahni intihlum zingah hian zu leh ruihtheih thil kaihhnawih a tel tlangpui.
Mahni intihhlum hi Kohhran mi zawnga chhutnaah chuan Presbyterian mi leh sa an tam ber a, mi 35 an ni a. Baptist 3, UPC 9, Salvation Army 7, pawl chhuak 3, Roman Catholic, IKK,LIKBK leh Sabbath mi leh sa 1 theuh an ni. Mahni intihlum naupang ber chu kum 17 mi pahnih an ni a. Mipa leh hmeichhia niin a upa ber chu putar, kum 91-a upa a ni. Intihhlum chhanah hian khama zuangthla mi 1 tih loh chu inawkhlum deuh vek nia hriat an ni.
Kum 21 leh 30 inkarah mahni intihlum hi an tam ber niin FG&CC zirchianna chuan a tarlang a, 23 lai an awm. Zirchianna neih hnu-ah kum 21 leh 30 inkar, mahni intihlum hi mipa leh hmeichhia 1 ve ve in an pun belh tawh a. Chu nen chuan 25 an ni a, mipa 23 leh hmeichhia 2 an ni.
Kum 31 leh 50 inkar mahni intihlum mi 19 awmin mipa 19 an ni a, hemi huamchhungah hian hmeichhia mahni intihlum an awm lo. Kum 15 leh 20 inkar mahni intihlum 13 aawmin, mipa 10 leh hmeichhia 3 an ni a, hmeichhia pakhat mahni intihlum report an dawn belh nen mi 14 an ni.
Kum 31 leh 50 inkarah mipa 19 mahni intihlum an awm a, hmeichhia an awm lo thung. Kum 50 chunglam mahni intihlum mipa leh hmeichhia 2 ve ve (4) an awm a. Kum zat hriat loh mipa leh hmeichhia 2 ve ve (4) an awm bawk a ni.
No comments:
Post a Comment