CHIBAI...

He Blog ngaihlua rawn tlawh thin tu te Pathian hmingin chibai kan buk a che u. In hunawl neih apiangah rawn tlawh ziah tur leh in ngaihdan hlutak tak te rawn ziak zel turin kan sawm a che u.

Wednesday, October 28, 2009

U.S.-a Pathian awm ringlote’n New York khawpui tuam tan

- Source: The Zozam Times.
New York kawtthler lun tak takah chuan fakna ang reng deuha siam, zawhna pawimawh tak nia ngaih, “New York a chengte hi Pathian tel lo pawhin an tha thova, nang enge?” tih thu inziak lian pui pui chu hmuh tur a tam sawt hle a, Pathian awm ring lo leh sakhaw mumal nei lo te chuan tunlai hian nasa takin beihpui an thlak mek.

October 26 hian New York lei hnuaia kawngpui lian leh pawimawh tak takah chuan mahni tal tal a tal thin leh sakhuana ngaihsak lo tawpte hip beh nan leh lamtanga siamnan nasa zawka campaign an tum nghe nghe a, hetiang lama hmalatu pawl lian tak, Big Apple Coalition of Reason chuan an siamah an tarlang.

Thla engemaw zat kalta atang khan Pathian awm ring lo Athiest pawl lian tak tak pariat zette chuan beihpui thlakna runpui hi an lo kalpui daih tawh a, karleh khian New York khawpuia veng lun leh lian ber Manhattan lei hnuaiah Pathian awm ringte chona lian tak an siam dawn a, an bei chho mup mup tawh nghe nghe.

Poster lian tak pakhat chu kawngpui sirah a phe hleuh hleuh mai a, “New York-a chengte hi Pathian tello pawhin an tha thova, nang enge?” tih chu fiah em emin a inziak nghe nghe. He lei hnuai kawng hi a lun hle a, mihring lut leh chhuak an tam ang renga, nitin lei hnuai rel chuang thin hi maktaduai 5 vel ni awma chhut a ni a, heng ho hi hmin an tum dawn a ni.
“Pathian hi a awm tak tak lo. Mangang lovin hlim takin I nun hmang rawh” tih thuziak phei chu US bakah Europe khawmual puiah nasa taka vawrh darh mek a ni a, bus leh rel bangahte lian pui puiin an tar chuai chuai tawh nghe nghe. Heng pawl lian tak tak te hian an mahni mai chuan boruak an siam na dawn lo tih hriain, Pathian ring lem lo, mahse aw chhuah duh lem lova ngawih chuh tlat thinte chu tunah hian an bitum mek.

Heng mite nena thawhhona tha zawk an neih theih chuan an thil tum hian nghawng na tak a nei dawn tih an hre ker tawh a, chuvang chuan Kristian te an beih rual hian heng mite rilru hnehna tur pawh nasa takin an ngaihtuah mek a, an vir tlut tlut tawh a ni.

Big Apple Coalition of Reason-a thupuangtu Michael De Dora chuan, “Heng fakna te hian sakhuana hi nuihzat emaw a hnuai chhiah tihna a ni reng reng lova, Pathian awm ring lo te nun chawk phur a, an hnen thleng phak tur thu pawimawh thleng hi kan tum zawk a ni. Fell eh tha tak ni turin sakhuana hi a tul ber lem lova, society hlawhtling tak ni tur pawh hian a pawimawh kher lo bawk,” a ti.

THERE’S PROBABLY NO GOD.
NOW STOP WORRYING AND ENJOY YOUR LIFE.
• American mipui 85% te hian kristian niin an inchhal
• American thalai 7% te chuan Pathian thu angina an awm an ti
• American thalai 38% te chuan piangthar niin an insawia, Bible ang chuan an kal lem lo
• American thalai mtd 5 vel te hian Pathian an ring lo
• Tun atanga reiloteah mtd 20-ah an kaichhoh ring
• American mi 11 zela pakhat an ni pha dawn tihna a ni.

No comments:

Post a Comment