ENG TIRHKOH (Anti-Christ)

" Chu chu a mak lo ve;Setana meuh pawh eng tirhkohvah a insiam chawp si thin a.."(2.Kor.11:14).
Korinth khua hian Thlarau Thianghlim hnathawh an dawng nasa hle a, thlarau thilpekte pawh an dawng nasa a, rawngbawltu thahnem ngai pawh an awm nuk a ni mai thei,an buai fo thin a. A changin Paual pawl ka ni, Apolova pawl ka ni an ti a. Inkhawm naah lah tawnghriatloh te chu intih thlarau nan leh kohhran inkhawm pawh tibuai hial thei khawp a insum lohna a awm thin niin a lang a.Helai Bible thu kan tarlanah pawh hian ziritirna hrang hrang lo awm nuk maite chu an ngaithei a niang,Paula chuan,"Ka hrilh che u ni lo,Isua dang hrila in hnena lo kal apiang in lo ngaithei a,thlarau in chan ngai loh chu in chang a.." tiin a zilh hau nghe nghe a.Chutiang mite chu Setana hmanrua 'eng tirhkoh' anga insiamte an ni tih a sawifiah a ni.Heta kut lem ka rawntarlan ah hian khuavang chhinchhiah anga dum a lang a.Hei hi 'tihdam rawngbawlna'nei a rawngbawl, mahse setana thalarau(thlarau sual)ni si, amah pawhin a hriat si loh a ni a.Hremhmun meiin a kanna lo lang chhuak a ni.

Setana hian mihringte hnenah a theih ang ang hmanrua hmangin mihringte min tihbuai hi a tum ber a ni a.Ru tur te,tihlum turte,tichhe turte in hna a thawk thin a (John.10:10). Heng bakah hian 'Pathian thupekte zawma Isua hriattirna thu pawmte chu dodal turin a kal' thin bawk a ni (Thup.12:17).
Sualna hmanga thlemna hi Isua ringlotute hnenah Setana hian a hmang nasa em em a, thlemna hneh lotu tam tak lah an awm reng a.Hetianga thlemna an tawh hian an duhzawng leh ngainat zawng hmangin a thlem thin (Jakoba 1:14).Kohhranho zingah hian mi piangthar tawhte chu he chakna hian thlem thin bawk mahse Setana hi a hlawhtling tluantling lo fo thin a,mi thenkhat erawhchu a thlem thu tho bawk thin.Ringtu nuna hna a thawhdan, mi thenkhatin an hmuh thiam loh fo thin chu 'eng tirkoh' anga a inlarna hi a ni.'Eng tirkoh' anga a inlar nan chuan hmanrua tam tak a hmang thin a,mahse khawvel hlimna thil a ni ngai lo, thlarau thilpek te,zirtirna diklo te,thlarau inlarna leh Thlarau Thianghlim hnathawh lem hmang te in a ni thin.
Zirtirna diklo hian mi a hruaibo nasa thei em em a. Mizoramah pawh hian mi tam takin an chhiatpui tawh a.Mi thenkhat chu an chhungte nen an awmho theih loh phah a,mi thenkhat chu retheihna khurah an tlukluh phah a, mi thenkhat chu 'hlimsang' inti in midang zawng zawng an dah hniam a.Mi thenkhat chu 'khurbing' ah lutin hmangaihna diklo changin nupa te an inthen phah bawk a.Mi thenkhat chu "Pathian ka ni" an inti a.Mi thenkhat chuan" kan thi thei tawh lo, taksa tlanna ka nghak" an ti bawk thin.Sawi tur a tam awm e.
Heng zirtirna diklo hi Bible zirtirna diklo (false teaching) atanga lo chhuak a ni thin. Hetiang mite hi'intithlarau mi' zingah a tam duh zual thin.Ziritrna an dawn leh thlarau an chan te chu' Pathian hnen atanga chhuak a ni em?' tih zirchian ai chuan a lan dan dan angin lawm takin an pawm mai thin.Bible zirtirna aiin an rilru a lo thleng leh inlarna ang hial a engemaw hmuh leh hriat te, Pathian aw hria nia inngaihna te an nei nasa a.Chutianga an awm chuan Pathian pawlna dawngin an inhria a, an hlim em em a, mite aia chang nasa bikah an inngai thin a.An tawngkamin 'Pathian hmaah ka tlinglo a ni' ti thin mahsela, an thinlung erawh chu 'chapona' in a luah tlat thin.Mi tu emaw, a ei leh in tur a thianghlim leh thianghlim loh pawh ngaihtuah lova, a puarna tur a nih dawn phawt chuan ei buan buan ang an ni.
Hetianga thinlung inbuatsaih an nih avang hian 'eng tirhkoh' anga insiamin Setana chuan anmahni a hruai bo thin. Kohhranho zingah leh ringtu zingah hian lamna (taksa chetna) dik lo te, tihdam rawngbawlna diklo te leh thalaru pawlna diklo te a lo awm ta thin a ni.Mi thenkhat chuan Pathian faka lam an chak lutukna lamah taksa chetna te an awt a, taksa chetna lem an chang fo mai a. Thlarau mi anga lan an duh avangin tawnghriatlohte an zir a, an buai phah a.Tidam rawngbawlna hmanga rawngbawl an chak avangin setana hnen a mi an dawng fo bawk. Mi thenkhat chu taksa natna tihdam an chak luat avangin setana hnathawh pawh nise an pan ruak ruak a, a tawpah an buai tho thin.
Hetianga 'eng tirhkoh' anga inlara Setanan min bum fona chhan chu ' a lan dan'( physical appearance)atanga kan teh/awih thin vang a ni.Thawk khat lai khan Aizawl ah pawh 'tui damdawi' hmanga inbumna a awm kha. Mi thenkhat chuan an dampui tho avangin Pathian hnathhawhah an pawm lui hram hram thin. A rahchhuak aiin 'khawi atanga lo chhuak/awm nge?' tih a pawimawh zawk thin.Shillongah leh Mizoram khaw pakhat ah chuan 'stigmata' nei an awm a.An kut leh ke, luah te Isua tawrhna ang thisen a rawn chhuah thin avangin 'thlarau dik' emaw an ti, mahse Setana tanga chghuak a ni tlat thung.Kut lem kan hmuh neitu pawh hi 'tihdam rawngbawlna' nei a ni a.Vawi khat chu mi pahnih hian an rawn pan ringawt mai a, an ke na tawngtai turin an ngen a, mahse ani chuan a tawngtai mai lo'he rawngbawlna hi Pathianin a pe lo' tih a inhriat vang a ni. Amah rawn pan tute chu an haw duh tlat loh avangin a tawpah chuan a tawngtai ta nge nge a. An na laite chu a kutin an khawih a, an dam ta mai a.Pathianin tihdamna a ape ta niin a ngai ta a. Mite pawhin an rawn pan ta zel a, an dam zel bawk a ni.Chutiang rawngbawlna a neih hnu chuan 'piangthar' awmin a awm ve ta nghal mai bawk a.Nikhat chu hmeichhe pakhat, hnute cancer a tawngtaiin amah zawk chu nikhaw hre lovin a tlu ta thut mai a ni.Ka hnenah an rawn hruai a, a thalrau chan kha a 'diklo' tih Pathianin min hriattir nghal a,ramhuai a lo pai reng mai a ni.Tichuan, Pathian chuan hremhmun te a hmuh tir a.Hremhmun kotlanga a awm lai chuan Pathian hnenah." Lalpa, i rawng ka bawl thin kha, engatinge hremhmunah ka kal dawn'tiin a au chhuak ta a.Pathian chuan," i rawngbawlna kha keimah atanga chhhuak a ni lo" tiin a chhang ta a. A taksa an em chuan a chanve hi a lo dum vek a, a chanve hi a lo var bawk a.Tichuan, 'thlarau diklo' hmangin rawng a lo bawl tih a inhre ta chauh a. A lo harh leh chuan a kut dinglam Setanan hremhmun a kaihhtlak a tumna chu kang durh ang hian a rawn durh chhuak nghe nghe a ni.
Setana hian 'eng tirhkoh' anga min bumna hi sawi sen a ni lovang a. Mi thenkhat hnenah chuan 'Vantirhkoh Gabriela ka ni a nangmahah ka awm a, thlamuang takin awm rawh' te an ti a. "Mithianghlim lawr ka entir dfawn che a, i piangthar ngei ngei tur a ni" tiin mu thei lo leh chaw pawh ei theilo in an siam a.Mi thenkhat chuan,"Isua ka ni" te an ti a, an nun zawng zawng pawh a buaiphah thin.Mi thenkhat chuan an thlarau chan chu 'dik' niin an ngai lui tlat a, mahse an buai nuaih lawi si.
Stana hian 'eng tirkoh' anga min bumna hi hriatfiah a pawimawh ta.Tharau Thianghlim hnathawh chu a fim a, a buai ve lova, Isua a chawimawi thin.Hun hnuhnungah pawh 'Sakawlh' chu Pathian ang hialin a la insiam dawn a, amah chibai buk duh lo leh an chala chhinchhiahna nei lo te chuan engmah an leiin an hralh thei dawn lo a ni.Setana hian khawvel hi tihbuai a tum a, sual hnathawh leh eng tirhkoh anga insiamin mi a bum thin. Chuvangin, pawnlam sualna hmanga min bum a tumna hi chu hriatthiam a awl a, 'eng tirhkoh' anga a inlarna erawh hi chu hriat a harsa a, mahse Bible zirtirna atang chauhin kan hre thei dawn a, chu chu 'A RAH' ah a ni. Miin Isua hming lamin, tawngtai, inkhawm, Bible chhiar thei em em mahsela, a nuna thlarau hnthawh lo inlar dan atngin 'thlarau dik leh dik lo' kan hre thei a ni. Chuvangin, Setana hi do ila,'ENG TIRHKOH' anga a inlarna hi i hre thiam ang u. AMEN.